AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Ən populyar mobil hökumət tətbiqləri bunlardır - SİYAHI


Tarix 14.04.25, 20:32	Font ölçüsü : - / +

"Son bir neçə ildə hökumətə məxsus mobil rəqəmsal həllər xeyli populyarlaşıb. Mobil tətbiqlər tam funksionallıqla dövlət xidmətlərini daha effektiv formada əldə etməyə imkan verir. Yəni hökumət həlləri yalnız informasiya-məlumat çatdırmır, birbaşa dövlət xidmətlərini, hansısa sənədləri və arayışları əldə etməyə imkan verir".

Bu barədə Azərbaycan İnternet Forumunun rəhbəri Osman Gündüz qeyd edib.

Ekspert ən faydalı və populyar mobil hökumət tətbiqlərinin adlarını açıqlayıb:

"Son zamanlar populyarlığı ilə daha çox diqqət cəlb edən myGov mobil tətbiqidir. Artıq xeyli sayda dövlət xidmətləri bu mobil resursa inteqrasiya olunub. Ötən ildən etibarən buradan arayışları və rəsmi sənədləri də almaq mümkündür. Mobil Notariat xidmətləri də myGov-a inteqrasiya edilib.

Eyni zamanda qısa zamanda populyarlaşan e-Polis tətbiqi spesifik xdimətləri ilə, SİMA isə anında rəqəmsal identifikasiya üçün ölkəmizin rəqəmsal transformasiyasında mühüm rol oynayır.

osman.jpg (66 KB)

Bir müddət öncə DVX tərəfindən e-Vergi mobil tətbiqi yaradılıb, Maliyyə Nazirliyi isə E-rüsum mobil tətbiqi üzərində işləyir.

Əlbəttə, bütün dövlət xidmətlərinin hansısa formada göstərilməsindən asılı olmayaraq myGov-a, həmçinin populyar özəl və bank mobil resurslarına inteqrasiyası çox vacibdir.

Beləliklə, təqdim etdiyi xidmətlərin sayı, funksionallığı, yüklənmə sayı, istifadəçi rahatlığı, yenilənməsi, reytinq göstəricisi parametrləri və s. baxımından ən faydalı və populyar mobil rəqəmsal hökumət həllərinə aşağıdakıları aid etmək olar:

1. myGov (İRİA)

(Yüklənmə sayı 1 milyon +, artıq təqdim etiyi çoxsaylı məlumatlar sadəcə "məlumat" deyil, həm də rəqəmsal sənəddir, həyat hadisələrini rəqəmsallaşdırmağa imkan yaradır, təqdim etdiyi data əsasında əlavə dəyərlər yaratmaq imkanı var və s.)

2. e-Sosial (ƏƏSMN)

(Yüklənmə sayı 1 milyon +, əmək müqavilələrin imzalanması, pensiya və əmək haqqı kalkulyatoru, arayışlar və s.)

3. Mobil Notariat (Ədliyyə Nazirliyi)

(Yüklənmə sayı 0.5 milyon+, vətəndaşın harada olmasından asılı olmayaraq notarial xidmətlər təqdim edir).

4. E-Polis (DİN)

(Yüklənmə sayı 100 min+, ötən il istifadəyə verilib, məhkumluq arayışı, itirilmiş əşya arayışı, 102 SOS xidməti, avtomobillərlə bağlı arayışlar, STOP məlumatı, sürücülük vəsiqəsinin dəyişdirilməsi və s.)

5. SİMA (AzİnTelecom)

(Yüklənmə sayı 1 milyon +, rəqəmsal imza xidməti təqdim edir, ASAN imzanın alternatividir).

6. Smart Customs (DGK)

(Yüklənmə sayı 1 milyon +, e-ticarət yolu ilə gətirilən malların gömrük bəyannamələrinin onlayn mühitdə təqdim edilməsi və s.)

7. ASAN növbə (ASAN)

(Yüklənmə sayı 0.5 min +, ASAN Xidmətdə növbə götürməyə imkan verir).

8. E-Təbib (TƏBİB)

(Yüklənmə sayı 1 milyon +, ölkə üzrə yalnız BİR tibb müəssisəsinə e-növbə götürmək imkanı verir, əlavə xidmətləri yoxdur, əsasən informasiya-məlumat yönümlüdür).

9. E-Vergi (DVX)

(Yüklənmə sayı 5000+, son günlər istifadəyə verilib, hələlik yalnız informasiya-məlumat yönümlüdür, hansısa xidməti əldə etmək mümkün deyil, xidmətlərin inteqrasiyası nəzərdə tutulub).

Xəbərin oxunma sayı : 472