AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

11 yaşlı uşağa qarşı əxlaqsızlıqda ittiham olunan Hacı Salman hadisədən əvvəl...- Sensasion fakt


Tarix 11.05.25, 14:18	Font ölçüsü : - / +

Yetkinlik yaşına çatmayan qıza qarşı əxlaqsız hərəkətlər etməkdə təqsirləndirilən Salman Kamiloğlunun cinayət işinin təfərrüatı məlum olub. Onun ifadəsindən hadisənin bilinməyən məqamları üzə çıxıb.

Musavat.com xəbər verir ki, Cinayət Məcəlləsinin 153.2-ci (14 yaşına çatmayan şəxsə qarşı əxlaqsız hərəkətlər etmə) maddəsi ilə təqsirləndirilən Salman Kamiloğlu ilahiyatçı və hacı kimi tanınıb.

Hadisə ötən il Masazır qəsəbəsi ərazisində baş verib. İttihama görə, Hacı Salman 11 yaşlı qıza qarşı küçədə seksual xarakterli hərəkətlər edib. Baş vermiş hadisə kameraya düşüb və qızın yaxınlarının polisə müraciətindən sonra araşdırmalara başlanılıb. Növbəti gün Hacı Salman həbs edilib.

Hacı Salman istintaq zamanı əməlini etiraf etsə də məhkəmədə fərqli ifadə verib.

“Həmin vaxt anlaşılmamazlıq olub. Belə bir hərəkət etməmişəm. Bu vaxta qədər heç kəsə pislik etməmişəm. Pisliyə belə yaxşılıqla cavab vermişəm. Mənə təzyiq olunub. Bakı İstintaq Təcridxanasına gəldikdən xeyli müddət sonra mənə təzyiq olunması ilə bağlı araşdırma aparılmağa başlanıldı. Günahım olmadığı halda həbsdəyəm. Azad olunmağımı xahiş edirəm”,- deyə Hacı Salman məhkəmədəki çıxışında deyib.

Məhkəmə iclasında Hacı Salmanın istintaqda verdiyi etirafedici ifadəsi elan edilib.

WhatsApp Image 2025-05-11 at 12.16.16.jpeg (94 KB)

Hacı Salman həmin ifadəsində bunları deyib:

“2024-cü il yanvarında Həcc ziyarətində olmuşam. Bu günə kimi ailə həyatı qurmamışam. Həmin gün dostumun dəvəti ilə onlara gedirdim. Aikido idmanı ilə məşğul olduğum üçün məşqdə qabırğamdan xəsarət almışdım. Buna görə ağrıkəsici dərman qəbul edirdim.

Dostumun yaşadığı ünvana taksi ilə getdim. Küçədə tanımadığım azyaşlı oğlan və qız uşaqları gördüm. Qız uşağı diqqətimi çəkdiyi üçün ona yaxınlaşıb oynamağa başladım. Onun sifət nahiyyəsindən öpdüm. Həmin vaxt ona qarşı ehtirasım oyanmağa başladı. Bu vaxt uşağın valideyni bizi gördü. Uşaq anası tərəfə getdi. Mən də dostumun evinə getdim. Bir qədər sonra yaxınlıqdakı marketə qayıtdım. Ödəmə terminalı vasitəsi ilə “Misli.az” saytına pul yüklədim. Marketdən çıxan zaman tanımadığım şəxs mənə yaxınlaşdı. Uşağa kiminsə sataşdığını və həmin şəxsin mənə oxşadığını dedi. Qorxduğum üçün və biabır olmamaqdan ötrü inkar etdim. Həmin şəxslə evlərinin qarşısına getdik. Qadın və uşaq məni görən kimi “bax budur” deyərək işarə etdi. Qadına məni kimləsə səhv saldığını dedim. Uşağın ailəsi kameraya baxmağı təklif etdi. Qonşunun evindəki kamera görüntülərinə baxdılar. Sonra da polislər gəldi”.

Məhkəmə araşdırması zamanı məlum olub ki, Hacı Salmanın polislər tərəfindən təzyiqlərə məruz qalması ilə bağlı Baş Prokurorluqda araşdırma aparılıb. Lakin onun bu iddiası təsdiqini tapmayıb.

Məhkəmədə zərərçəkmiş qız, onun hüquqi varisi və şahidlər də dindirilib. Onlar hadisənin təfərrüatını Hacı Salmanın istintaqdakı etirafedici ifadəsinə oxşar şəkildə veriblər. Şahidlər Hacı Salmanı tanıdıqlarını, hadisə zamanı məhəllədə gördüklərini deyiblər.

Araşdırma zamanı kamera görüntülərinə də baxılıb. Həmin görüntülərdə Hacı Salmanın əməli sübuta yetirilir. Kameralardan Hacı Salmanın azyaşlı qıza yaxınlaşdığı, ittihamda göstərilən hərəkətləri etdiyi, uşağın qaçaraq anasına tərəf getdiyi müşahidə edilib.

Qeyd edək ki, məhkəmənin hökmü ilə 37 yaşlı Salman Kamiloğlu 3 il 9 ay azadlıqdan məhrum edilib.

Xəbərin oxunma sayı : 586