AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Eyni Rusiya, eyni ssenari: Şovinizm və qəddarlıq


Tarix 29.06.25, 9:00	Font ölçüsü : - / +

2024. Yekaterinqburq. Qırğızlara qarşı vəhşilik.

17 yanvar 2024-cü ildə Rusiyanın Yekaterinburq şəhərində qırğız miqrantlara qarşı xüsusi reyd keçirilmişdi.

Qırğızlar reyd zamanı bir sıra biabırçı və ləyaqətə toxunan zorakılığa məruz qalmışdılar.

Təqribən 150 nəfər qırğız və digər mərkəzi asiyalı miqrant tutularaq, inşaat obyektləri ərazisinə aparılmışdılar.

Qırğızlardan bəziləri təqiblərdən qaçmağa çalışanda Rusiya hüquq-mühafizə orqanlarının əməkdaşları onları bir-birinin ardınca diz üstə çökdürərək, “qaz yerişinə" məcbur etmişdilər. Qırğızıstan Xarici İşlər Nazirliyi bəyanat verərək, əksəri qırğızlar olan asiyalı miqrantlara qarşı bu davranışı insan ləyaqətini alçaldan, qəbuledilməz davranış kimi dəyərləndirmişdi.

Reydlərə FSB, Daxili İşlər Nazirliyi, Milli Qvardiya (Rosgvardia) və Rusiya İstintaq Komitəsi birgə cəlb edilmişdi.

Reydə düşən miqrantlar, əsasən, Ukrayna ilə müharibə bölgəsinə aparılmaqla hədələnir, döyülüb, işgəncə verilərək müqaviləyə qol çəkmələri tələb olunurdu.

2025. Yekaterinqburq. Azərbaycanlılara qarşı vəhşilik...

27 iyun 2025-ci ildə yenə də FSB, Daxili İşlər Nazirliyi, Milli Qvardiya (Rosgvardia) və Rusiya İstintaq Komitəsi birgə hücumla bu dəfə azərbaycanlıların yaşadığı evlərə səhər saat 5 radələrində basqın edir. Daha sonra iş yerlərinə basqınlar edilir.

Ümumilikdə 65-ə qədər azərbaycanlı saxlanılır, "Rosqvardiya"nın yerli bölməsinə aparılır. Hadisə şahidlərinin APA və digər media orqanlarında yayılan səs yazıları, foto və video görüntüləri vəhşiliyin miqyasını tam əks etdirir. Rusiya hüquq-mühafizə orqanlarının əməkdaşları xüsusi qəddarlıqla iki qardaşı döyə-döyə öldürürlər. Ağır xəsarətlər alan dörd nəfər əməliyyat olunub, vəziyyətləri kritikdir. Onlarla azərbaycanlı xəsarət alıb, evlər dağıdılıb, şəxsi əşyalar, qadınların alt paltarları belə küçələrə səpilib.

Rusiyanın üzü olan "qara maskalılar" bununla da sakitləşməyiblər.

Azərbaycanlıların kafesinə hücum ediblər. Kafe sahibi Akif Səfərovun oğlu Elgiz Səfərov APA-ya danışıb:

"Biləndə ki, kafenin sahibinin oğluyam, məndən kabab bişirməyi tələb etdilər. Kafedə qab-qacaqları qırdılar. Kabab bişirəndə arxadan “dubinka” ilə vururdular. Hardasa 2 saat yarım bizi kafedə yerdə uzanıqlı vəziyyətdə saxladılar. Özləri yeyib-içib, bizi yenidən döyüb çıxıb getdilər”.

Bu dəfə basqın üçün bəhanə 2001-ci ildə baş vermiş hansısa qətldir. Halbuki, məsələn, hadisə zamanı saxlanılıb işgəncə görən Vüqar Səfərov 1997-ci il təvəllüdlüdür. Yəni, iddia olunan qətl baş verəndə onun cəmi 4 yaşı olub... Yeri gəlmişkən, Vüqar Səfərov agentliyimizə müsahibəsində deyib ki, ondan və qardaşından orduya və Ukraynada hərbi əməliyyatlara qoşulmaqla bağlı müqaviləyə qol çəkmək tələb olunub.

Eyni ssenari, eyni vəhşilik

Cəmi 1 il əvvəl qırğızlara qarşı baş vermiş əməliyyatla dünən azərbaycanlılara qarşı edilmiş vəhşiliyin ssenarisi eynidir. Bütün detallar-basqın edənlərin siyahısı, alçaldıcı rəftar, işgəncə, təhqiramiz münasibət... Bu isə onu deməyə əsas verir ki, baş verənlər Rusiyanın dövlət siyasətidir.

Rusiya kimi ölkələrdə iki dəfə təkrar olunan hadisə təsadüf olmur.

Bu, Rusiyanın, birbaşa Putinin uduzduğu dünyaya güc nümayiş etdirmək davası, rus milliyyətçiliyinə meydan verib, bununla ayaqda qalmaq cəhdidir.

Bu şovinizm siyasəti bizə çox yaxşı tanışdır. Biz bu siyasəti 20 Yanvardan, Xocalıdan tanıyırıq. Biz bu siyasəti 30 il işğal altında qalmış torpaqlarımızdan bilirik...

Bütün dünya qanı bir, canı bir qardaşı olan ukraynalını tankının tırtılları altında qoyan rus şovnizmini nifrətlə, qəzəblə, heyrətlə seyr etdi, edir.

Rusiya uşaqları öldürür, qadınları qətl edir, kişiləri alçaldır. Tarixi kökü, dili, dini bir qardaşı ilə müharibə Rusiya tarixinin də, Putin hakimiyyətinin də heç vaxt silinməyən qara ləkəsidir.

Rusiya bu ləkəni qırğız, qazax, tacik, azərbaycanlını alçaltmaqla silə bilməyəcək. Rus xalqı bütün tarixini bu ləkə ilə yaşayacaq! Bu ləkəni yumağın ünvanı biz deyilik!

Xəbərin oxunma sayı : 886