AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

67 və 64 yaşlı sabiq vəzifəli şəxslər elektron qolbaqda gəzəcək: Özlərini mükafatlandırıblar


Tarix 31.03.25, 16:47	Font ölçüsü : - / +

Zərdab Rayon İcra Hakimiyyəti başçısının Yuxarı Seyidlər kənd İnzibati Ərazi Dairəsi üzrə nümayəndəliyinin sabiq nümayəndəsi İntizam Məmmədov və baş mühasibi Bənövşə Əhmədovaya hökm oxunub.

Qaynarinfo-nun məlumatına görə, onlar Cinayət Məcəlləsinin 179.2.1, 179.2.3, 179.2.4 (qabaqcadan əlbir olan bir qrup şəxs tərəfindən qulluq mövqeyindən istifadə etməklə və xeyli miqdarda ziyan vurmaqla mənimsəmə və israf etmə) və 309.1-ci (vəzifə səlahiyyətlərini aşma) maddələri ilə təqsirləndirilib və işə məhkəmədə baxılıb.

Hər iki sabiq vəzifəli şəxs 2018-2021-ci illər ərzində qabaqcadan əlbir olaraq onlara etibar edilmiş xeyli miqdarda maliyyə vəsaitini mənimsəməkdə şübhəli bilinib. Aparılan araşdırma zamanı həmin illər ərzində İntizam Məmmədovun 7120,20 manat, Bənövşə Əhmədovanın 9319,09 manat məbləğində dövlət hesabına nəzərdə tutulmayan mükafatları öz adlarına rəsmiləşdirərək mənimsədikləri məlum olub.

İntizam Məmmədov 445 manata, Bənövşə Əhmədova isə 550 manata qədər hər ay özlərinə əmək haqlarından əlavə mükafatlar da yazıblar. Sözügedən məbləğlər hər aya görə dəyişib. Bəzən hər iki vəzifəli şəxs özlərinə dövlət vəsaiti hesabına avans da yazıblar.

İntizam Məmmədov məhkəmə iclasında elan olunmuş ittiham üzrə özünü təqsirli bilməyərək deyib ki, Zərdab rayonunda olan 28 nümayəndəliyin heç birində yoxlama olmayıb, yalnız onun işlədiyi kənd icra nümayəndəliyində yoxlama aprılıb. Eyni hal bütün nümayəndəliklərdə baş verib. 2018-ci ildə 33668 manat onun işlədiyi nümayəndəliyə pul ayrılıb, həmin puldan 28536 manat xərcləyib. Hətta bəzi işləri öz hesablarına icra ediblər. Qeyd edib ki, ondan 60 hektar qarğıdalı əkilib-becərilməsi tələb olunub, həmin tapşırığı işçilərlə birlikdə öz qüvvə və vəsaitləri hesabına həyata keçirib. Mükafatların verilməsində sərəncam olmayıb və illik smetaya uyğun köçürülüb. O bildirib ki, hHeç kəsdən köçürülən mükafatları nağdlaşdıraraq ona verilməsini tələb etməyib, odun və dəftəxana ləvazimatlarının alışı rəsmi maliyyələşmə sənədi üzrə icra edilib.

Məhkəmənin qərarı ilə 1958-ci il təvəllüdlü İntizam Məmmədova 2 il 6 ay, 1961-ci il təvəllüdlü Bənövşə Əhmədovaya isə 3 il 6 ay müddətə azadlığın məhdudlaşdırılması cəzası təyib edilib. Hər iki sabiq vəzifəli şəxs cəza çəkdikləri müddətdə elektron qolbaqda gəzəcəklər.

Xəbərin oxunma sayı : 460