AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Anar Əlizadə haqqında ilginc faktlar - Yarım milyonluq saat, İstanbuldakı mülklər və Adnan Əhmədzadə ilə...


Tarix 09.02.26, 18:52	Font ölçüsü : - / +

Anar Əlizadə ilə bağlı yerli və dünya mətbuatında gedən bəzi hadisələrin xronologiyası və xülasəsi...

3 fevral 2024-cü il: Mətbuatda yayılan məlumatlara görə, Anar Əlizadənin adı Londonda, dəyəri 15 milyon funt-sterlinq olan dəbdəbəli villa alışı ilə bağlı qalmaqalda hallanıb. Bildirilir ki, 2020-ci ildə alınan bu mülk tanınmış ulduzların (Rihanna, Pol Makkartni və s.) yaşadığı nüfuzlu bir məhəllədə yerləşir. Poliqon.info

17 May 2024: “The Daily” nəşri jurnalistlərin Bodrum-Yalıkavak marinasının sahibi kimi tanınan azərbaycanlı iş adamı Anar Əlizadə ilə bağlı araşdırmaları davam etdirdiyini yazır. Bildirilir ki, o, qeyri-qanuni öhdəliklər və biznes əlaqələrində mümkün qanunsuzluqlarla bağlı diqqət mərkəzindədir. Nəşrin iddiasına görə, Əlizadə hazırda cinayət təqibi altındadır və dələduzluqda ittiham olunur, həmçinin nəzarətində olan şirkətlərin ixrac olunan neftə dair sertifikatları saxtalaşdırdığı bildirilir. Məqalədə Böyük Britaniyanın Milli Cinayət Agentliyinin (NCA) onun Londondakı maliyyə aktivlərinin mənşəyini araşdırdığı da qeyd olunur. Eyni zamanda, iş adamının “Vaqner” PMC və Rusiya ilə əlaqələri, eləcə də Liviya neftinin daşınması ilə bağlı şübhələrdən bəhs edilir. Nəşr Bodrum-Yalıkavak marinasının son dövrlər Rusiya oliqarxlarının yaxtaları üçün təhlükəsiz sığınacağa çevrildiyini də vurğulayır. gununsesi.info

17 aprel 2025-ci il: Jurnalist araşdırmaları nəticəsində məlum olub ki, Anar Əlizadə 2024-cü ilin noyabrında Serbiya vətəndaşlığı alıb. İddia edilir ki, bu pasport sanksiyalardan yayınmaq və Avropada sərbəst hərəkət etmək üçün istifadə olunan "arxa qapı" sənədidir. musavat.com

6 oktyabr 2025-ci il: SOCAR-ın keçmiş rəhbər şəxsi Adnan Əhmədzadənin cinayət işi çərçivəsində Anar Əlizadənin istintaqa ifadə verdiyi və ölkədən çıxışına qoyulan məhdudiyyətin götürüldüyü bildirilib. Məlumatlara görə, Əlizadə dindirildikdən dərhal sonra Azərbaycanı tərk edərək Dubaya yollanıb.

30 noyabr 2025-ci il: Britaniya mediasına istinadən, Anar Əlizadənin 2013–2023-cü illəri əhatə edən və "Arda Akın" adına verilmiş saxta Türkiyə pasportundan istifadə etdiyi iddia olunub. Bu sənədin gizli biznes əməliyyatları və ofşor şirkətlərin qurulması üçün istifadə edildiyi ehtimal edilir.

9 dekabr 2025-ci il: Anar Əlizadənin nəzarətində olan Bodrumdakı "Yalıkavak Marina"nın sanksiya altında olan rus oliqarxlarının yaxtaları üçün sığınacaq yerinə çevrildiyi barədə məlumatlar yayılıb. Avropa xüsusi xidmət orqanlarının bu məsələ ilə bağlı araşdırmalar apardığı qeyd olunur.

13 yanvar 2026-cı il: Adnan Əhmədzadə barəsində seçilmiş həbs qətimkan tədbirinin müddəti yenidən uzadılıb. İstintaq materiallarında Əhmədzadənin iqtisadi təhlükəsizliyə qarşı təxribat və mənimsəmə əməllərində Əlizadənin roluna dair ifadələrinin hələ də araşdırıldığı bildirilib.

Eləcə də mətbuatda dəfələrlə Adnan Əhmədzadənin və Anar Əlizadənin Rövnəq Abdullayevin “qara kassası” olması yazılıb

***

Mətbuatda gedən iddialarda Anar Əlizadənin hazırda Dubayda yaşadığı bildirilib və o, Adnan Əhmədzadənin əsas partnyoru və patronu kimi tanınmaqdadır.

Mətbuatda Adnan Əhmədzadənin qohumları ilə bağlı bu qalmaqallı məlumatlar yayıldıqdan sonra, bu xəbərlərin yayılmasının başlıca səbəbkarının elə Anar Əlizadə olduğu bildirildi. İddia olunur ki, "mehriban düşmən" olduğu deyilən ortaqlar - A. Əlizadə və Adnan Əhmədzadə arasındakı çəkişmənin kökündə pul və bəzi pozulmuş ortaqlıq məsələləri dayanıb.

Anar Əlizadə ortağının həbsindən sonra özünün "təmiz" olduğu barədə xeyli canfəşanlıq etdi, hətta "Alkagesta"nı "gözdən çıxararaq" ortağını "tanımadı". Bunlar hər biri mətbuatda yayılan iddialardır və internet resurslarında axtarış zamanı qarşımıza çıxan məlumatlardır.

Bəs əsas olan nədir?

Məlumdur ki, Anar Əlizadə Rövnəq Abdullayevin qohumudur. "32gun.az"a daxil olan məlumata görə, hazırda Dubayda qolundakı yarım milyonluq saatı ilə həyatına davam edən şəxs məhz Anar Əlizadədir. Ailə üzvləri isə istənilən vaxt Azərbaycana gəlir, qohumlarının və yaxınlarının şad günlərində iştirak edirlər.

Redaksiyamıza daxil olan digər məlumatlara görə, Anar Əlizadəyə məxsus və ailə üzvləri tərəfindən idarə olunan Istanbulda Levent adlanan ərzidə "Hyatt Centric" oteli və yenə eyni ərazidə yerləşən "Sumakh" restoranı var.

Bu saat brendin ən mürəkkəb və bahalı kolleksiyalarından sayılan Grand Complications (Celestial) seriyasına məxsusdur. Siferblatında real vaxt rejimində göy üzünün və ulduzların hərəkətini əks etdirən bu model saat sənətinin zirvəsi hesab olunur. 18 karatlıq qızıl və ya platindən hazırlanan bu nadir sənət əsərinin bazar qiyməti orta hesabla 300.000$ ilə 500.000$ dollar arasında dəyişir. Belə bir seçim təkcə lüksün deyil, həm də yüksək zövqün və kolleksiya dəyəri olan detallara verilən önəmin göstəricisidir.

Xatırladaq ki, Anar Əlizadənin ortağı olduğu deyilən Adnan Əhmədzadə də son dövrlər SOCAR-ın sabiq rəsmisi yox iş adamı kimi "ün salmışdı". Həyat yoldaşı və özünün dəb-dəbəli həyatı, brend geyimləri ilə diqqət çəkirdi.

Anar Əlizadə dəb-dəbəli həyatını diqqət mərkəzinə salmasa da geyimləri aksesuarları diqqət çəkir.

Anar Əlizadə qardaşının faciəvi ölümü ilə gündəmə gəlmişdi - 2021-ci ildə...(32gun.az)

Xəbərin oxunma sayı : 1339