AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

“Hüquqşünas kimi pul qazanmaq olmurdu” - Özünü vəkil kimi təqdim edib - TƏFƏRRÜAT


Tarix 24.03.25, 21:52	Font ölçüsü : - / +

Özünü əvvəlcə hüquqşünas, sonra isə vəkil kimi təqdim edərək 6 nəfərə qarşı dələduzluq etməkdə ittiham olunan Sənan Babazadənin cinayət işi üzrə məhkəmə araşdırması başa çatıb. Babazadə 2012-ci ildə Bakı Dövlət Universitetinin Beynəlxalq Hüquq fakültəsinin məzunu olub.

Musavat.com xəbər verir ki, məhkəmə araşdırması zamanı Sənan Babazadə özünü təqsirli bilib.

İfadəsində deyib ki, 2022-ci ildə İnstaqramda özünə “vekilhuquqshunassananbabazadə” adlı profil açaraq vəkillik fəaliyyəti göstərməsi ilə bağlı məlumatlar paylaşıb. Özünə “City Mall”da icarəyə ofis də götürüb.

Sənan babazadə bildirib ki, hüquqşünas kimi pul qazanmağa çalışsa da mümkün olmayıb: “Hüquqşünas kimi pul qazanmaq olmurdu. Buna görə özümü vəkil kimi təqdim etdim”.

Məlumata görə iş üzrə zərərçəkmiş kimi tanınan Zülfıyyə Quliyeva ona müraciət edərək “Çuavo Kapital” adlı xarici dövlət şirkətinə onlayn yatırım etdikdən sonra 4 min dollarının israf olduğunu deyib. Babazadə bunu həll edə biləcəyini, əlavə 4 min dollar da təzminat alacağını deyib. Bunun qarşılığında əvvəlcə 500, sonra isə 220 manat pul alıb. Bir müddət sonra Quliyevaya artıq Avropa Məhkəməsinin qərarını aldığını da deyib.

Sənan Babazadə başqa bir şəxsdən mübahisəli torpaq sahəsi ilə bağlı məhkəmədə onun xeyrinə qərar çıxara biləcəyini deyib. Buna görə ondan 500 manat alıb. Həmin şəxs bacılarının məhkəmədəki işini həll etmək üçün də ona müraciət edib. Bu işləri də həll edəcəyini deyərək ondan ümumilikdə 3 min manat alıb. Vaxt qazanmaq üçün isə bir neçə məhkəmə prosesinin keçirilməsi ilə bağlı da yalan məlumatlar verib.

O, başqa bir şəxsdən bacısının aliment və sosial yardım alması, atasının pensiyasını düzəlcəyi və sosial evlərdən almasına kömək edəcəyi adı ilə ümumilikdə 1800 manat alıb.

Dördnücü zərərçəkmiş şəxsə isə atasının bibisi tərəfindən ələ keçirilən əmlakını ona qaytaracağını vəd edib. Ondan 12570 manat pul alıb. Aldığı pulları məhkəmədə işin gedişatına uyğun müxtəlif səlahiyyətli şəxslərə verdiyini deyib.

Bundan başqa Şahvələd Qocayev adlı şəxsə məhkəmə işi ilə bağlı köməklik göstərəcəyini deyərək 900 manat alıb. Həmçinin Şahvələd Qocayev vasitəsi ilə tanıdığı iki nəfərdən də məhkəmə işlərini həll edəcəyini deyərək 3700 manat alıb.

Əməlindən peşman olduğunu deyən təqsirləndirilən şəxs barəsində həbslə bağlı olmayan cəza təyin edilməsini xahiş edib.

Məhkəmədə zərərçəkmiş şəxslər dindirilən zaman məlum olub ki, onlara dəymiş zərər ödənilib. Lakin onlardan üç nəfəri yenə də şikayətçi olduqlarını, mənəvi zərər gördüklərini bildiriblər.

İbtiadi istintaq və məhkəmə istintaqı dövründə onun barəsində başqa yerə getməmək haqqında iltizam qətimkan tədbiri seçilib.

Məhkəmənin hökmü ilə Sənan Babazadə barəsində 3 il azadlığın məhdudlaşdırılması cəzası təyin edilib. Barəsində seçilmiş qətimkan tədbiri qüvvədə saxlanılıb.

Xəbərin oxunma sayı : 664