AzFakt

Şirkət rəhbəri 20 məmurla əlbir olub pulları mənimsədi - Korrupsiyaya bulaşmış rəsmilər kimlərdir? + ADLAR

Deputatın istirahət mərkəzi əl dəyişir... - Təhvil-təslim işlərinə hazırlıq gedir

Azərbaycan Ermənistanın silahlanmasına necə reaksiya verməlidir? - ARAŞDIRMA

Qlobal qarşıdurma kəskinləşir - Azərbaycan nə etməlidir?

ABŞ ordusunun əsgərləri Zəngəzura yerləşir - Nə baş verir? + VİDEO

Müdafiə Nazirliyi Ermənistana xəbərdarlıq etdi - “Bu, növbəti müharibəyə hazırlıqdır...“

Ankara uyğurlara diqqəti artırıb – Çin türk kəndlərinin adlarını dəyişdirir

“Üçüncü dünya müharibəsi riski artıb“ – “Qara dəniz üzərində ABŞ və Rusiya toqquşa bilər...”

Milli Məclis buraxıldı, növbədənkənar seçkilər təyin olundu- SƏRƏNCAM

Müdafiə Nazirliyindən yeni müharibə xəbərdarlığı - “Məsuliyyəti Ermənistan rəhbərliyi və Makron diktaturası daşıyacaq“

Çin NATO pilotlarını “oğurlayır” – Pekin Tayvana qarşı müharibəyə hazırlaşır

“Bu halda sülh sazişinin bağlanması mümkün deyil“ - Prezident nöqtəni qoydu

Mərkəzi Bank 5 ayda 3 milyard dollar satıb – Devalvasiya ola bilərmi?

“Azestetik”in azərbaycanlıları öldürən cihazları: çip də yerləşdiriblər - ŞOK FAKTLAR

Agentlik “Turizm Könüllüləri” İB ilə 200 minlik müqaviləni necə imzalayıb? – Müəmma


Tarix 19.09.24, 14:55	Font ölçüsü : - / +

Dövlət Turizm Agentliyi “Turizm Könüllüləri” İctimai Birliyi (VÖEN – 1007934901) ilə satınalma müqaviləsi imzalayıb.

Yeniavaz.com xəbər verir ki, Dövlət Turizm Agentliyi bu müqaviləni tender müsabiqəsi keçirmədən, bir mənbədən satınalma metodu əsasında imzalayıb.

“Turizm Könüllüləri” İctimai Birliyi Turizm Agentliyinin sifarişi əsasında COP29 ilə bağlı turizm könüllülərinin hazırlanması və təlimatlandırılması işləri həyata keçirəcək və qarşılığında 199 min 196 manat alacaq.

Satınalmada diqqət çəkən məqamlardan biri odur ki, bu müqavilə üzrə satınalma proseduru dövlət satınalmalarının vahid internet portalında keçirilməyib. Halbuki, “Dövlət satınalmaları haqqında” Qanunun 15.1 maddəsində açıq şəkildə göstərilir ki, məxfi məlumatlar istisana olmaqla bütün dövlət satınalmaları yalnız portal vasitəsilə həyata keçirilir. Qanunun tələblərindən də göründüyü kimi, COP29 ilə bağlı turizm könüllülərinin hazırlanması və təlimatlandırılması işlərinin həyata keçirilməsi məxfi məlumat hesab oluna bilməz. Bu səbəbdən də, Turizm Agentliyinin satınalma prosesini bu şəkildə keçirməsi başa düşülən deyil.

Eyni zamanda Qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur:

- Satınalma predmeti yalnız hər hansı konkret təchizatçıda olduqda;

- Satınalma predmetinin əvəzedicisi və alternativi olmadıqda;

- Satınalma predmetinə təcili tələbat yarandıqda;

- Təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;

- Satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.

Qeyd olunanlara baxdığımız zaman müqavilənin hansı səbəbdən bir mənbədən satınalma metodu ilə imzalandığı da aydın olmur. Çünki, COP29 ilə bağlı turizm könüllülərinin hazırlanması və təlimatlandırılması işini yalnız “Turizm Könüllüləri” İctimai Birliyinin görə biləcəyi barədə qanuni (“Könüllü fəaliyyət haqqında” Qanun) əsas yoxdur.

Başqa bir müəmmalı məqam isə odur ki, Agentliyin satınalma müqaviləsi imzaladığı “Turizm Könüllüləri” İctimai Birliyinin təsisçisi Dövlət Turizm Agentliyinin turizm siyasəti və strategiyası şöbəsinin müdiri Məhəmməd Muradovdur.

“Dövlət satınalmaları haqqında” Qanunun 6.1.1. maddəsində açıq şəkildə göstərilir ki, təchizatçının satınalan təşkilatdan və ya satınalan təşkilatla təchizatçının eyni qurumdan hüquqi, maliyyə və ya təşkilati asılılığı olduqda satınalma prosedurlarında iştirakına yol verilmir.

Xəbərin oxunma sayı : 277