AzFakt

“Bu halda sülh sazişinin bağlanması mümkün deyil“ - Prezident nöqtəni qoydu

Mərkəzi Bank 5 ayda 3 milyard dollar satıb – Devalvasiya ola bilərmi?

Bu kəndlər Azərbaycanın nəzarətinə keçdi - Sərhədçilərimiz daxil oldu (RƏSMİ)

“Təhməzli üçün ölkənin qida təhlükəsizliyi də biznesdir” - AQTA rəhbərinin tikinti biznesini kim idarə edir?

Sumqayıtın oliqarx məmuru Gündüz Əliyev - Bu qədər var dövlət hardandır?

“Gəlir gəlsin, gəlmir, heç lazım da deyil” - Prezidentdən xəbərdarlıq

Emin Əmrullayevin qardaşına sərt ittiham var: “Dedi, al bu 100 mini, get və...“ (VİDEO)

“3 milyonluq MMC-ni “1 qara qəpiksiz almışam“ - Sabiq deputatdan etiraf

Qeyri-neft sektorunun inkşafı və Dövlət İnvestisiya Şirkətinin batırdığı sərmayələr... - I yazı

Azərbaycanla Ermənistan razılaşdı: Qazaxın 4 kəndi qaytarılır

“Express Bank” iflas ərəfəsində - Şirkətlər bankdan 25 milyondan çox depoziti geri çəkiblər

Rusiya sülhməramlı kontingentinin Azərbaycandan çıxması prosesi başlayıb - VİDEO

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

Japarov bacısı qızının bu davranışına görə üzr istədi - VİDEO


Tarix 27.06.24, 12:07	Font ölçüsü : - / +

Qırğızıstan Prezidenti Sadır Japarovun bacısı qızı Lazzat Nurkojoyeva evlilik təklifi ilə bağlı ölkənin Fövqəladə Hallar Nazirliyinə məxsus helikopterdən istifadə edib. Belə ki, onun sevgilisi ilə Oruu-Say dərəsinə uçduğunu göstərən video səs-küyə səbəb olub.

“Qafqazinfo” xarici mediaya istinadən xəbər verir ki, dövlət başçısının yaxın qohumunun sevgilisi ilə birlikdə FHN-in təyyarəsindən bu formada istifadəsi birmənalı qarşılanmayıb.

Sosial şəbəkə istifadəçiləri onu tənqid edərək bildiriblər ki, ölkə rəhbərlərinin qohumları və dostları başqalarına nümunə olmalıdırlar: “Fövqəladə Hallar Nazirliyi helikopteri bunun üçün alıbmı? Prezident deyib ki, israfçılığa son qoyulsun”.

Sadır Japarov məsələ ilə bağlı açıqlama verib. Onun sözlərinə görə, Lazzat gələcək həyat yoldaşı ilə prezidentin israfçılığın qadağan edilməsi təşəbbüsünü dəstəkləməli idi.

“Düz deyirsiniz, ölkə rəhbərliyinin qohumları başqalarına nümunə olmalıdır. Mən dəfələrlə demişəm ki, israfçılığı dayandırmaq lazımdır. Ən azı gələcək kürəkən bu təşəbbüsü dəstəkləməli, həm məni, həm də özünü cəmiyyətin tənqid hədəfi etməzdən əvvəl düşünməli idi. Düşünürəm ki, o, gənc olduğu üçün bunu edib”, - Qırğızıstan Prezidenti “Kabar” agentliyinə şərhində deyib.

O əlavə edib ki, Fövqəladə Hallar Nazirliyi yeni helikopterlər alıb: “Biz helikopterlərin kommersiya məqsədləri üçün istismarına icazə vermişik. İstənilən şəxs vertolyot icarəyə götürə bilər və hər qəpik dövlət büdcəsinə daxil olur ki, biz gələcəkdə yeni helikopterlər ala bilək. Beləliklə, təyyarə parkı mütəmadi olaraq yenilənəcək”.

Prezident bacısı qızının hərəkətinə görə üzr də istəyib: “Əvvəllər başqalarını tənqid edirdim, amma indi özüm buna məruz qalıram. Bacım qızına görə xalqdan üzr istəyirəm, o hələ gəncdir, cəmiyyətdən də tənqid görür. Ümid edirəm ki, o, düzgün nəticə çıxaracaq”.