AzFakt

Şirkət rəhbəri 20 məmurla əlbir olub pulları mənimsədi - Korrupsiyaya bulaşmış rəsmilər kimlərdir? + ADLAR

Deputatın istirahət mərkəzi əl dəyişir... - Təhvil-təslim işlərinə hazırlıq gedir

Azərbaycan Ermənistanın silahlanmasına necə reaksiya verməlidir? - ARAŞDIRMA

Qlobal qarşıdurma kəskinləşir - Azərbaycan nə etməlidir?

ABŞ ordusunun əsgərləri Zəngəzura yerləşir - Nə baş verir? + VİDEO

Müdafiə Nazirliyi Ermənistana xəbərdarlıq etdi - “Bu, növbəti müharibəyə hazırlıqdır...“

Ankara uyğurlara diqqəti artırıb – Çin türk kəndlərinin adlarını dəyişdirir

“Üçüncü dünya müharibəsi riski artıb“ – “Qara dəniz üzərində ABŞ və Rusiya toqquşa bilər...”

Milli Məclis buraxıldı, növbədənkənar seçkilər təyin olundu- SƏRƏNCAM

Müdafiə Nazirliyindən yeni müharibə xəbərdarlığı - “Məsuliyyəti Ermənistan rəhbərliyi və Makron diktaturası daşıyacaq“

Çin NATO pilotlarını “oğurlayır” – Pekin Tayvana qarşı müharibəyə hazırlaşır

“Bu halda sülh sazişinin bağlanması mümkün deyil“ - Prezident nöqtəni qoydu

Mərkəzi Bank 5 ayda 3 milyard dollar satıb – Devalvasiya ola bilərmi?

“Azestetik”in azərbaycanlıları öldürən cihazları: çip də yerləşdiriblər - ŞOK FAKTLAR

Prezident müşavirədə ciddi mətləblərə toxundu


Tarix 27.09.24, 19:00	Font ölçüsü : - / +

Prezident İlham Əliyevin yanında keçirilən iqtisadi məsələlərə həsr olunmuş müşavirədə ölkə başçısı Azərbaycanın iqtisadi hədəflərini açıqlayaraq ciddi mətləblərə toxundu.

Dövlət başçısının sözlərinə görə, iqtisadi müstəqilliyimiz beynəlxalq müstəvidə bizə o imkanı qazandırır ki, ölkəmiz eyni zamanda uğurla, inamla, şərəflə, ləyaqətlə müstəqil xarici siyasət apara bilsin və bu proses uğurla davam edir. 2003-cü ildən keçən 21 il ərzində Azərbaycan xalqı və dövləti sözün əsl mənasında sürətli inkişaf dövrünü yaşayıb, problemlərin əksəriyyəti öz həllini tapıb, hər bir istiqamət üzrə konkret proqramlar həyata keçirilib. Ötən illərin qlobal iqtisadi böhranı fonunda Azərbaycan iqtisadiyyatının davamlı inkişafı, bütün sosial proqramların vaxtında həyata keçirilməsi Prezident İlham Əliyev tərəfindən hazırlanmış milli iqtisadi inkişaf modelinin möhkəm təməl üzərində qurulduğunun əyani təsdiqidir. Müşavirədə dövlətimizin başçısı bu mühüm məqamlara toxunaraq bildirdi ki, iqtisadi artım 4,3 faiz olub və bugünkü dünyada gedən prosesləri təhlil edərkən və ümumiyyətlə, geosiyasi vəziyyətə nəzər saldıqda bu, çox müsbət göstəricidir.

Qeyd etmək zəruridir ki, enerji, ərzaq və ekoloji təhlükəsizliyin təmin edilməsi, iqtisadiyyatın şaxələndirilməsi, davamlı inkişaf strategiyasının bütün sahələrdə uğurla həyata keçirilməsi Azərbaycanın nailiyyətlərini şərtləndirən amillərdəndir. Son illərdə də Azərbaycan iqtisadiyyatı və ümumdaxili məhsul artım nümayiş etdirir. Xarici dövlət borcu isə çox aşağı səviyyədədir və dövlət başçısının bəyan etdiyi kimi xarici borcun ümumi daxili məhsula nisbətdə Azərbaycan dünya miqyasında qabaqcıl ölkələr sırasındadır.

Xüsusilə, Azərbaycan zəngin neft ehtiyatlarından əldə olunan valyuta ehtiyatlarını səmərəli xərcləməklə iqtisadiyyatın bütün sahələrinin dinamik inkişafı üçün sərfəli bazanın yaradılmasına nail olub və hazırda qeyri-neft sektoru iqtisadi potensiala malik strateji sənayeyə çevrilib. Dövlət başçımız müşavirədə bu məsələyə toxunaraq qeyri-neft sektorunun 7 faiz artdığını vurğuladı. Prezident İlham Əliyevin səsləndirdiyi bu göstəricilər ölkə iqtisadiyyatının şaxələndirilməsi istiqamətində atılmış addımların və düşünülmüş islahatların bəhrəsinin real nəticəsidir.

Dövlət başçısı müşavirədə bu məqama xüsusi diqqət ayıraraq Azərbaycanın iqtisadi inkişaf modelinin dünyada özünü təsdiqlədiyini diqqətə çatdırdı. Prezidentimiz bir daha bəyan etdi ki, Azərbaycan öz resurslarına arxalanaraq güclü iqtisadiyyat qurub və heç kimdən asılı deyil.

Bu gün dünya üçün nümunə sayılan ölkəmizin iqtisadi inkişaf modelinin hazırki göstəriciləri fərəh doğurur. Bu yüksəlişin birmənalı şəkildə müəllifi olan Prezident İlham Əliyevin iqtisadi məsələlərə həsr olunmuş müşavirədə səsləndirdiyi fikirlərləri, tapşırıqları iqtisadi inkişafımızı sürətləndirəcəyinə, daha böyük inkişafa yol açacağına inam yaradır.

Aydın Bağırov

Xəbərin oxunma sayı : 280