AzFakt

“Bu halda sülh sazişinin bağlanması mümkün deyil“ - Prezident nöqtəni qoydu

Mərkəzi Bank 5 ayda 3 milyard dollar satıb – Devalvasiya ola bilərmi?

Bu kəndlər Azərbaycanın nəzarətinə keçdi - Sərhədçilərimiz daxil oldu (RƏSMİ)

“Təhməzli üçün ölkənin qida təhlükəsizliyi də biznesdir” - AQTA rəhbərinin tikinti biznesini kim idarə edir?

Sumqayıtın oliqarx məmuru Gündüz Əliyev - Bu qədər var dövlət hardandır?

“Gəlir gəlsin, gəlmir, heç lazım da deyil” - Prezidentdən xəbərdarlıq

Emin Əmrullayevin qardaşına sərt ittiham var: “Dedi, al bu 100 mini, get və...“ (VİDEO)

“3 milyonluq MMC-ni “1 qara qəpiksiz almışam“ - Sabiq deputatdan etiraf

Qeyri-neft sektorunun inkşafı və Dövlət İnvestisiya Şirkətinin batırdığı sərmayələr... - I yazı

Azərbaycanla Ermənistan razılaşdı: Qazaxın 4 kəndi qaytarılır

“Express Bank” iflas ərəfəsində - Şirkətlər bankdan 25 milyondan çox depoziti geri çəkiblər

Rusiya sülhməramlı kontingentinin Azərbaycandan çıxması prosesi başlayıb - VİDEO

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

“Azərbaycan müstəqil xarici siyasətini milli maraqlar əsasında qurub“ - Elçin Əmirbəyov


Tarix 02.06.24, 15:30	Font ölçüsü : - / +

Finlandiyanın "Turun Sanomat", "İllkka-Pohjalainen", "Keskipohjanmaa" və "Kainuun Sanomat" qəzetləri Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyovun Helsinkiyə etdiyi işçi səfər zamanı yerli mediaya verdiyi geniş müsahibəni dərc edib.

AzFakt.com AZƏRTAC-a istinadən xəbər verir ki, müsahibədə Azərbaycan və Ermənistan arasında sülh prosesi, ölkımizin Avropa ilə enerji sahəsində əməkdaşlığı, Bakının ev sahibliyi edəcəyi COP29-a hazırlıq və s. kimi aktual mövzular əhatə edilib.

E.Əmirbəyov müsahibəsində Azərbaycanın öz çoxşaxəli və balanslı xarici siyasətini sırf milli maraqları üzərində qurduğunu, hər hansı siyasi alyansa mənsub olmadan bütün qonşu ölkələrlə yaxşı əlaqələrə malik olmaq əzmində olduğunu bildirib.

Habelə Aİ-nin Azərbaycanın əsas ticarət tərəfdaşı olduğunu, Avropanın enerji təhlükəsizliyinə uzun illər önəmli töhfə verdiyini və ölkəmizin 2027-ci ilədək Cənub Qaz Dəhlizi vasitəsilə Avropaya nəql edəcəyi qazın həcmini 2 dəfə artıracağını qeyd edib.

Ermənistanla normallaşma məsələsinə gəldikdə azərbaycanlı diplomat sülh prosesinin yekun mərhələyə qədəm qoyduğunu və tərəflərin vasitəçi olmadan məhz birbaşa danışıqlara üstünlük verdiyini, son belə danışıqların mayın 10-12-də Qazaxıstanda baş tutduğunu xatırladıb. “Biz inanırıq ki, faciəvi keçmişlə bağlı səhifəni qapamaq və ölkələrimiz üçün daha firavan gələcək qurmağa ciddi cəhd etmək vaxtı gəlib. Bizim məqsədimiz sülh müqaviləsini mümkün qədər tezliklə yekunlaşdıraraq məlum əsas prinsiplər əsasında Ermənistanla normal diplomatik əlaqələr qurmaqdan ibarətdir və bundan hər kəs faydalanacaq”, - o əlavə edib.

Erməni mənşəli vətəndaşların Qarabağı tərk etməsinə gəldikdə isə, əsasən ermənilər tərəfindən iddia edilən "etnik təmizləmə" məfhumunu qətiyyətlə rədd edib və Azərbaycanın onların gedişini deyil, sadəcə Azərbaycan Konstitusiyasını qəbul etmələrini istədiyini vurğulayıb. Bununla belə, 250 min azərbaycanlı keçən əsrin sonunda məhz Ermənistanda etnik təmizləməyə məruz qalıb və doğma yurdlarından qovulub. Ermənistanla normallaşma çərçivəsində 42 km-lik Zəngəzur dəhlizinin açılmasının sülh quruculuğu baxımından önəmini vurğulayan E.Əmirbəyov bu layihənin Ermənistanın özünün dünyaya çıxışı və indiki izolasiyadan çıxması üçün də faydalı olacağını, eləcə də Asiya və Avropa arasında nəqliyyat bağlantısında vacib həlqə təşkil edə biləcəyini vurğulayıb.

Ukraynadakı vəziyyətlə bağlı suala cavab olaraq Azərbaycan rəsmisi ölkəsinin bu münaqişənin mümkün qədər tezliklə təmzimlənməsini dəstəklədiyi və onun faciəvi fəsadlarının davam etməsini istəmədiyini bildirib. Azərbaycanın 1990-cı illərdə öz ərazisinin işğalı zamanı ərazi bütövlüyü prinsipinin və suverenliyinin pozulmasından əziyyət çəkmiş bir ölkə kimi, BMT Nizamnaməsi və Helsinki Yekun Aktında təsbit edilmiş bu prinsipi qəti şəkildə dəstəklədiyini, habelə münaqişədə heç bir tərəf tutmadan Ukraynaya iri həcmdə humanitar yardımını davam etdirdiyini diqqətə çatdırıb.

Noyabr ayında Bakıda keçiriləcək COP29-a toxunan E.Əmirbəyov Azərbaycanın nailiyyətlərinin böyük neft və qaz sərvətləri olan bir ölkənin, öz külək və günəş potensialından səmərəli istifadə edərək meqalayihə çərçivəsində yaşıl enerjisini Avropaya ixrac etməklə, yenilənən enerji sahəsində də öncül mövqedə ola biləcəyinin göstərici olduğunu, qarşıdan gələn tədbirin prinsip etibarı ilə Ermənistanla sülh xüsusunda, həm də sülh COP-u ola biləcəyinə ümid bəslənildiyini vurğulayıb.

Xəbərin oxunma sayı : 1087