AzFakt

“Bu halda sülh sazişinin bağlanması mümkün deyil“ - Prezident nöqtəni qoydu

Mərkəzi Bank 5 ayda 3 milyard dollar satıb – Devalvasiya ola bilərmi?

Bu kəndlər Azərbaycanın nəzarətinə keçdi - Sərhədçilərimiz daxil oldu (RƏSMİ)

“Təhməzli üçün ölkənin qida təhlükəsizliyi də biznesdir” - AQTA rəhbərinin tikinti biznesini kim idarə edir?

Sumqayıtın oliqarx məmuru Gündüz Əliyev - Bu qədər var dövlət hardandır?

“Gəlir gəlsin, gəlmir, heç lazım da deyil” - Prezidentdən xəbərdarlıq

Emin Əmrullayevin qardaşına sərt ittiham var: “Dedi, al bu 100 mini, get və...“ (VİDEO)

“3 milyonluq MMC-ni “1 qara qəpiksiz almışam“ - Sabiq deputatdan etiraf

Qeyri-neft sektorunun inkşafı və Dövlət İnvestisiya Şirkətinin batırdığı sərmayələr... - I yazı

Azərbaycanla Ermənistan razılaşdı: Qazaxın 4 kəndi qaytarılır

“Express Bank” iflas ərəfəsində - Şirkətlər bankdan 25 milyondan çox depoziti geri çəkiblər

Rusiya sülhməramlı kontingentinin Azərbaycandan çıxması prosesi başlayıb - VİDEO

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

Elmlər doktoru ilə iş adamı arasında kredit davası - AYB üzvü “AMAY Abdulla“nı məhkəməyə verdi


Tarix 11.06.24, 16:59	Font ölçüsü : - / +

Azərbaycan Yazıçılar Birliyinin (AYB), Prezident yanında Ali Attestasiya Komissiyasının (AAK) Tarix üzrə Ekspert Şurasının üzvü, tarix elmləri doktoru Abbas Seyidov "A.M.A.Y Holding” şirkətini məhkəməyə verib.

Qaynarinfo-nun məlumatına görə, onun iddiasına Xətai Rayon Məhkəməsində baxılacaq.

Aygün Həsənova iş üzrə hakim təyin edilib. Məhkəmə çəkişməsinin səbəbi kredit müqaviləsi üzrə mübahisələrdir.

"A.M.A.Y Holding" MMC 2005-ci ildə qeydiyyata alınıb. Nizamnamə kapitalı 200 manat olan şirkətin qanuni təmsilçisi Novruzov Elşən Firudin oğludur.

Şirkətin sahibi isə məşhur iş adamı, "AMAY Abdulla” kimi tanınan Abdulla Abdullayevdir. O, eyni zamanda "Birlikbank” ASC-nin Müşahidə Şurasının sədri olub.

Abdulla Abdullayev

2014-cü ildə Abdulla Abdullayev saxlanılıb. Ona qarşı Cinayət Məcəlləsinin 179.3.2 (mənimsəmə və ya israf etmə) və 308.2-ci (vəzifə səlahiyyətlərindən sui-istifadə) maddələri ilə ittiham irəli sürülüb və barəsində həbs qətimkan tədbiri seçilib.

Həmin vaxt Baş Prokurorluğun yaydığı məlumatda bildirilirdi ki, 2006-2008-ci illərdə "Birlikbank" ASC-nin Müşahidə Şurasının sədri işləmiş Abdulla Abdullayev Sahibkarlığa Kömək Milli Fondunun xətti ilə kənd təsərrüfatı, eləcə də digər sahələrin inkişafına yönəldilməsi nəzərdə tutulan ümumilikdə 3 milyon 397 min manat məbləğində vəsaiti faktiki rəhbəri olduğu "A.M.A.Y" MMC-nin Xətai rayonu ərazisində yerləşən binasının təmir-tikinti işlərinə sərf edib.

O, bu cinayət işi üzrə 13 il azadlıqdan məhrum edilsə də, 2016-cı ildə azadlığa çıxıb.

Bir müddət əvvəl "A.M.A.Y Holding” İqtisadiyyat Nazirliyi yanında Dövlət Vergi Xidmətinin Bakı Şəhəri Lokal Gəlirlər İdarəsi tərəfindən məhkəməyə verilib. Məhkəmə çəkişməsi vergi borcu ilə bağlı olub.

Şirkətin hazırda da 21 009,37 manat vergi borcu var.

Xəbərin oxunma sayı : 1024