AzFakt

“Bu halda sülh sazişinin bağlanması mümkün deyil“ - Prezident nöqtəni qoydu

Mərkəzi Bank 5 ayda 3 milyard dollar satıb – Devalvasiya ola bilərmi?

Bu kəndlər Azərbaycanın nəzarətinə keçdi - Sərhədçilərimiz daxil oldu (RƏSMİ)

“Təhməzli üçün ölkənin qida təhlükəsizliyi də biznesdir” - AQTA rəhbərinin tikinti biznesini kim idarə edir?

Sumqayıtın oliqarx məmuru Gündüz Əliyev - Bu qədər var dövlət hardandır?

“Gəlir gəlsin, gəlmir, heç lazım da deyil” - Prezidentdən xəbərdarlıq

Emin Əmrullayevin qardaşına sərt ittiham var: “Dedi, al bu 100 mini, get və...“ (VİDEO)

“3 milyonluq MMC-ni “1 qara qəpiksiz almışam“ - Sabiq deputatdan etiraf

Qeyri-neft sektorunun inkşafı və Dövlət İnvestisiya Şirkətinin batırdığı sərmayələr... - I yazı

Azərbaycanla Ermənistan razılaşdı: Qazaxın 4 kəndi qaytarılır

“Express Bank” iflas ərəfəsində - Şirkətlər bankdan 25 milyondan çox depoziti geri çəkiblər

Rusiya sülhməramlı kontingentinin Azərbaycandan çıxması prosesi başlayıb - VİDEO

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

Milyonluq korrupsiya cinayəti - Gündüz Əliyev hansı əsasla vəzifəsində qalır?


Tarix 24.05.24, 12:35	Font ölçüsü : - / +

Sumqayıt şəhər İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdirinə cəza veriləcəkmi?

Keçən il Baş prokuror yanında Korrupsiyaya qarşı Mübarizə Baş İdarəsində "Sumqayıt Tibb Mərkəzi" Publik Hüquqi Şəxsinin işçiləri barəsində olan cinayət işinin ibtidai istintaqı yekunlaşsa da, hələlik məhkəmə təərfindən təqsirləndirilən şəxslər haqqında hər hansı yekun qərar çıxarılmayıb.

Bildirək ki, cinayət yəqibinə cəlb edilmiş şəxslər Sumqayıt şəhər İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri Gündüz Əliyev, onun bacısı, "Sumqayıt Tibb Mərkəzi" Publik Hüquqi Şəxsin sabiq baş mühasibi Gülnarə Bayramova və onların yaxın tanışları Elxan Əsədov adlı şəxslərdir.

Adıçəkilən şəxslər barəsində Cinayət Məcəlləsinin 179.4 (xüsusilə külli miqdarda ziyan vurmaqla mənimsəmə), 193-1.3.2 (xeyli miqdarda cinayət yolu ilə əldə edilmiş əmlakı leqallaşdırma) və 32.5, 179.4 (xüsusilə külli miqdarda ziyan vurmaqla mənimsəməyə köməkçilik), 32.5, 308.2 (ağır nəticələrə səbəb olan vəzifə səlahiyyətlərindən sui-istifadə etməyə köməkçilik) və digər maddələrilə ittiham irəli sürülüb. İş materiallarına əsasən Gülnarə Bayramova və Gündüz Əliyev Elxan Əsədov vasitəsilə təsis etdiyi 41 hüquqi şəxsin qanuni fəaliyyətlə məşğul olması görüntüsü yaradaraq Sumqayıt şəhər Səhiyyə Şöbəsindən 5 milyon 716 min 684 manat məbləğində pul vəsaitini həmin şirkətlərə köçürülməsinə nail olub.Bundan sonra, köçürülmüş pul vəsaitinin bir hissəsi, 1 milyon 613 min 334 manat məbləğində hissəsi Elxan Əsədov və digərləri vasitəsilə nağdlaşdırmaqla mənimsənilib.

Cinayət yolu ilə əldə edilən mənimsənilmiş pul vəsaitinin 1 milyon 35 min manat məbləğində hissəsinin müxtəlif əqdlər bağlamaqla həyata keçirilən maliyyə əməliyyatları nəticəsində ayrı-ayrı şəxslərin bank hesablarından məxaric edərək leqallaşdırması ibtidai istintaq zamanı sübuta yetirilib.

AzFakt.com xəbər verir ki, dövlətə xüsusilə külli miqdarda ziyan vurmaqla təqsirləndirilən şəxslər Gündüz Əliyev, Gülnarə Bayramova və Elxan Əsədov barəsində hələ də məhkəmə tərəfindən hansısa bir qərarın çıxarılmaması ictimaiətin narazılığına səbəb olub. Mətbuatda yayılan məlumatlara görə təqsirləndirilən şəxslər tərəfindən dövlətə dəymiş ziyan ödənilib. Ancaq dəymiş ziyanı ödəməklə Gündüz Əliyev, Gülnarə Bayramova və Elxan Əsədov cəzadan yayına bilməzlər.

Belə ki, Azərbaycan Respublikasının CM-nin 73-1.3-cü maddəsində göstərilir ki, bu Məcəllənin 179.4-cü maddələrində nəzərdə tutulmuş əməli (əməlləri) törətmiş, zərərçəkmiş şəxslə barışmış və dəymiş ziyanı tamamilə ödəmiş şəxs, cinayət nəticəsində vurulmuş ziyanın əlli faizi miqdarında dövlət büdcəsinə ödəniş etdikdə cinayət məsuliyyətindən azad edilə bilər.

Lakin ilk növbədə qeyd edək ki, adları çəkilən şəxslər hətta ziyanı ödəməklə CM-nin 179.4-cü maddəsi ilə cinayət məsuliyyətindən azad edilsələr də həmin şəxslərə elan edilmiş digər maddələr üzrə cinayət məsuliyyətindən azad edilmək üsulları CM-də nəzərdə tutulmayıb.

İkinci tərəfdən isə Azərbaycan Respublikasının CM-nin 73-1.3-cü maddəsində nəzərdə tutulmuş hal yəni ziyanı ödəməklə cinayət məsuliyyətindən azad edilmə halı bəraət verməyən əsas sayılır və adları çəkilən şəxslərin Dövlət əmlakını xüsusilə küllü miqdarda mənimsəməsi və ya israf etməsi gerçəyini dəyişdirmir.

Ona görə də həm mətbuat, həm də ictimaiyyət üçün bu cinayət işində qaranlıq qalan məsələ ondan ibarətdir ki, dövlət əmlakını xüsusilə külli miqdarda mənimsəməkdə və ya israf etməkdə ittiham olunan Gündüz Əliyevin hal-hazırda da Sumqayıt şəhər İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsində qalmasıdır.

Bildirək ki, Gündüz Əliyev Sumqayıtda oliqarx məmur kimi tanınır. AzFakt.com olaraq ötən həftə Gündüz Əlieyvə məxsus olan və Sumqayıt şəhərində yerləşən çoxsaylı obyektlər barədə oxuculara məlumat vermişdik. Həmin məlumatda qeyd etmişdik ki, Gündüz Əliyev məşhur "Bowling" restoranına, "Ordubad" marketin yarısına, daş bazarı deyilən ərazidə 10-a yaxın obyektə, Nəsimi heykəlinin yanında "Cofe lance" və yeni istifadəyə verilən marketə, mebel sexlərinə, klinikaya, mənzillərə və Novxanıda milyonluq villaya sahibdir.

Qarşı tərəfin mövqeyini dərc etməyə hazırıq.

Xəbərin oxunma sayı : 1726